Хоол боловсруулах эрхтэн тогтолцооны зонхилох өвчлөл (ходоод, 12 хуруу гэдэсний үрэвсэл, шарх, улаан хоолойн сөөргөөт үрэвсэл, ходоодны хатингаршилт үрэвсэл, хеликобактерийн халдвар)-ын үед эмийн эмчилгээтэй хавсарч болон дангаар нь зөгийн бүтээгдэхүүн хэрэглэхэд үр дүнтэй байдаг.

Антибиотик эм гарахаас өмнө зөгийн жилийг элдэв халдварт өвчин, шарх анагаах зорилгоор уламжлалт эмчилгээнд хэрэглэж иржээ. Зөгийн жилий нь нян (бактери, вирус, мөөгөнцөр) устгах, улайлт, үрэвсэл, шарх анагаах, нөхөнтөлжүүлэх онцгой үйлчилгээтэй. Зөгийн жилийг хэрэглэхэд аюулгүй бөгөөд химийн гаралтай эм бэлдмэл хэрэглэх үед үүсдэг дисбактериоз, мөөгөнцөртөх зэрэг гаж нөлөө илэрдэггүй.

Өвчин үүсгэгч нянгийн өсөлт, үржлийг дарангуйлахдаа хүний биед тустай хоол боловсруулахад оролцдог ашигтай бактериудыг хадгалж чаддаг. Бактерийн эсрэг эм, бэлдмэлтэй хавсарч хэрэглэхэд эмийн үйлчлэх хугацааг уртасгаж, эмийн гаж нөлөөг багасгана.

ОХУ-ын ТЕНТОРИУМ® компани зөгийн жилийг өтгөрүүлсөн усан ханд, тосон ханд, зөгийн жилийтэй бал, зөгийн жилийтэй үрэл зэрэг хэд хэдэн төрлөөр үйлдвэрлэдэг. Зөгийн жилийг боловсруулахдаа: – Түүхий эдийг лабораторийн өндөр хяналтаар шалгаж – Германд тусгайлан захиалж үйлдвэрлэсэн бүрэн автомат тоног төхөөрөмжөөр – Үйлдвэрлэлийн олон үе шатлалаар, Олон улсын стандартын шаардлагад нийцүүлж үйлдвэрлэдэг.

• Хоол боловсруулах тогтолцооны салст бүрхэвчийн эдийг нөхөн төлжүүлнэ.
• Улаан хоолой, ходоод, 12 нугалаа гэдэс, нарийн болон бүдүүн гэдэс, шулуун гэдэсний үрэвсэл намдаана.
• Ходоод, 12 гэдэсний шархны эдгэрэлтийг түргэсгэнэ. Уг хандыг үрэвсэлт өвчнөөс урьдчилан сэргийлэх зорилгоор тог тмол хэрэглэхэд тустай.
• Ходоодны цус алдалтыг зогсоож, ходоод, 12 хуруу гэдэсний шарх сэдрэхээс сэргийлнэ.
• Ходоод гэдэсний замын нян, вирус, мөөгөнцөр устгана. Ходоодны шархыг үүсгэгч хеликобактерийн эсрэг эмийн эмчилгээтэй хавсарч хэрэглэнэ.
• Антибиотикийн гаж нөлөөг багасгана. Эмийн эмчилгээний үр дүнг сайжруулж, эдгэрэлтийг түргэсгэнэ.

Хавар шилмүүст мод, навчит мод, өвслөг ургамлаас давирхайлаг бодис их хэмжээгээр ялгардаг. Давирхай нь мод, ургамлыг өвчлөхөөс хамгаалах, хортон шавьжид идүүлэхээс сэргийлэх байгалийн хамгаалагч нь болдог. Зөгий хус, улиас, улиангар, хар мод, гацуур, нарс, жодоо зэрэг модны ялгаруулах давирхайлаг бодисыг цуглуулан, шүүрэлтэйгээ хольж зөгийн жилийгээ боловсруулдаг.

Зөгий жилийгээрээ үүрээ чигжиж тоос шороо, ус чийг орохоос хамгаалахаас гадна үүрээ халдваргүйжүүлэн, зөгийн бүлээ өвчлөхөөс сэргийлдэг байна. Зөгийн жилийд 200 гаруй нэгдлүүд агуулагддаг ба хүний биед хэрэгтэй олон төрлийн бичил элемент байдаг. Тухайлбал: кали, кальци, магни, натри түүнчлэн кобальт, фосфор, хүхэр гэх мэт элементүүд, аминхүчилүүд, мөн В1, В6, В12, А, С, Р, Е, Н витаминаар баялаг байдаг.

Ходоодны үрэвсэл, шархтай хүн эмчилгээний үед ходоодны ачааллыг багасган, жимс, будааны шүүс зэрэг хурдан шингэх хүнс хэрэглэх, хоолоо зутан, хагас шингэн, нухсан байдлаар бэлтгэж, чанах, жигнэх байдлаар боловсруулах нь тохиромжтой байдаг. Ходоодыг хүчтэй цочроох тос ихтэй хоол хүнс, архи, пиво, хийжүүлсэн ундаа зэргийг хориглоно. Өдөрт (цэвэршүүлсэн, буцалсан, ширгээсэн) 2л ус ууна. Цай, ус зэрэг шингэн зүйлийг хоолноос өмнө хэрэглэнэ. Хоолтой хамт аль болох шингэн бага хэрэглэж, хооллосны дараа 1 цагийн дараа шингэн хэрэглэнэ. Эслэг ихтэй хүнсний хэрэглээг багасгах. Эслэг нь том ширхэгтэй тул ходоодыг ихээр цочроож, шарх эдгэрэлтийг удаашруулна. Хэт халуун, хүйтэн хоол хэрэглэхгүй. Хоол ундыг хэвийн хэмтэй идэж уух.

Тогтмол цагт хооллож хэвших. Өдөрт 3-4 цаг тутамд бага багаар хооллоно. Цадталаа идэхгүй, өлсөж удаан яваад гэнэт их идэхгүй байх. Нэг дор их хэмжээгээр идэх нь ходоодны ачааллыг маш ихээр нэмэгдүүлдэг. Хоолоо сайн зажилж идэх. Эсвэл миксерээр жижиглэж хэрэглэх. Махаа татаж хэрэглэнэ. Тайван хоолох. Хооллох үедээ ярихгүй байх. Тайван хооллосноор хоолыг сайтар зажилан жижиглэж, шингэхэд дөхөм болно. Хооллосны дараа 2-3 цагийн дотор хэвтэхгүй байх. Шарсан хоолноос татгалзах. Энэ нь ходоодыг цочроож, ходоодны хүчил ихэсгэнэ. Кофе, өтгөн цай, энергийн ундаа зэрэг кафеин агуулсан ундаанаас татгалзах. Эдгээр нь ходоодны хүчлийг ихэсгэж, ходоодны шархыг сэдрээдэг.

• Бүсэлхийгээрээ бариу хувцас, корсет өмсөхгүй байх.
• Хоол идсэний дараа бүс, тэлээгээ суллах. Эрчүүд өмдөндөө бүсний оронд аль болох татуурга хэрэглэх. Хэрэв нурууны бүс зүүдэг бол хоол идсэн дараа авч байх.
• Хоолны дэглэм барих. Аль болох булчин суллах үйлчилгээтэй хоол, унднаас татгалзах.
• Бага багаар ойр ойрхон хооллох. Улаан хоолой шүлтлэг орчинтой тул сөөргөөтэй хүний хувьд бага хэмжээний ходоодны хүчилд ч улаан хоолойн салст цочирдог
• Хоосон ходоодны рН=2, хоолтой ходоодны рН=5 байдаг тул хүн юм идсэний дараа ходоодны хүчил саармагжиж, улаан хоолойг гэмтээх нь багасдаг тул бага багаар ойр ойрхон хооллохыг зөвлөж байна. Мөн хоол цайг хэт халуун, хүйтэн хэрэглэхгүй.
• Хоол идсэний дараа хэвтэхгүй байх. Унтахаасаа гурван цагийн өмнө хоолоо идэх
• Биеийн жингээ бууруулах. Эмэгтэйчүүдийн бүсэлхийн тойрог 90см, эрэгтэйчүүдийнх 100см-ээс их бол хэвлийн дотоод даралт ихсэнэ.
• Идэвхтэй дасгал хөдөлгөөн хийх. Гэхдээ хооллосноос хойш 1 цагийн дараа хөдөлгөөн хийнэ.
• Тамхи татахгүй байх
• Орны толгой болон дэрийг өндөрлөх. Ингэснээр унтаж, хэвтэж байхад ходоодон дахь агууламж улаан хоолойд орж, нэмж гэмтэхээс сэргийлэх ач тустай.